Gizartea

2011ko abuztuan hiru, bederatzi eta 14 urteko hiru ume hil zituen begiraleak 45 urteko kartzela zigorra onartu du gaur, Valladolideko Auzitegian, adingabeak hil zituela aitortu ondoren.

Begiraleak 'bai' xume batekin erantzun dio epaileari, umeak hil zituen ala ez galdetu dionean.

Umeak 2011ko abuztuaren 15ean hil zituen, Valladolideko Boecillo herriko ezinduentzako batean. Umeak gaixotasun psikologikoak eta fisikoak zituzten. Umeak asfixiaz hil zituen, 'film' papera erabiliz.

Kartzela zigorra onartzeaz gain, betiko desgaikutza ere ezarri dio epaileak 56 urteko emakumeari. Horrez gain, ezin izango da datozen zazpi urteetan Valladoliden, Burgosen edota Salamancan bizi, hauek baitira hildako umeen familien bizilekua.

Hildakoek mugitzeko ahalmena murriztuta zuten, % 78 eta % 90 arteko murrizketa, hain zuzen. Bi espainiarrak ziren eta hirugarrena, aldiz, ginearra.