Gizartea

Guardia Zibilak ikerketa bat abiarazi du gaur, ostirala, arratsaldean hilik agertu den 29 urteko emakume baten inguruko nondik norakoak argitzeko. Emakumea Vallegongo industrialdean aurkitu dute, Castro Urdialesen (Kantabria).

Halaber, bigarren gorpu bat agertu da, burua moztuta zuela, gizonezko batena da, eta etxebizitza baten barruan aurki dute; ustez, erasotzailearena da.

Emakumearen hilotza 15:00ak aldera aurkitu dute, Gobernuak Kantabrian duen Ordezkaritzak ohar baten bidez zabaldu duenez.

Biktima (L.G.B.) Gallartako bizilaguna zen, bizkaitarra. Lehenengo zantzuen arabera, emakumeak ez zeukan genero indarkeriari lotutako aurrekaririk; hori dela eta, baztertu dute -momentuz- genero indarkeriaren biktima izan denik, Kantabriako Gobernuko Ordezkariordetzak jakitera eman duenez.

Gizonezkoak aurrekariak zituen sexu-erasoengatik eta lan harremana zuen biktimaren familiarekin, Guardia Zibilaren lehenengo ikerketen arabera.