Gizartea

Abanto-Zierbenako 29 urteko gaztearen heriotza ikertzen jarraitzen du Guardia Zibilak. Emakumea Vallegongo industrialdean aurkitu dute ostiral honetan, Castro Urdialesen (Kantabria).

Halaber, ustezko hiltzailearen gorpua etxean aurkitu zuten geroago, itota. Eraso sexualekin lotutako delituengatik aurrekari penalak zituen gizonezkoak.

Biktima (L.G.B.) Abanto-Zierbekao bizilaguna zen, bizkaitarra. Lehenengo zantzuen arabera, emakumeak ez zeukan genero indarkeriari lotutako aurrekaririk; hori dela eta, baztertu dute -momentuz- genero indarkeriaren biktima izan denik, Kantabriako Gobernuko Ordezkariordetzak jakitera eman duenez.

Familia, lur jota eginda

Gaztearen osaba batek esan duenez, familia "lur jota eginda" dago. Izan ere, gaztea ostiral arratsaldean oporrak hastera zihoan. Halaber, senitarteko honek azpimarratu duenez, biktimak eta gizonak lan-harremana bakarrik zuten.