Gizartea

Leire G.B ostiralean Castro Urdialesen hildako gaztearen hileta-elizkizuna astelehen honetan izango da, Portugaleteko Santa Maria basilikan. 28 urteko Portugaleteko auzokidearen beila atzo eguerdian ireki zuten Portugaleten bertan, La Auxiliadora beilatokian.

Abanto-Zierbenako gaztearen hilotza ostiralean aurkitu zuten Castro Urdialeseko (Kantabria) Samanoko industrialdean. Gorpuak arma zuriz eragindako zauriak zituen. Ustezko hiltzailea S.V. 22 urteko errumaniar bat da, biktimaren enpresako langilea zena. Handik gutxira, horren gorpua ere aurkitu zuten etxean, itota. Ustezko erasotzaileak eraso sexualekin lotutako aurrekari penalak zituen.

Hilketa gaitzesteko elkarretaratzea

Bizkaiko Ezkerraldeko Emakumeen Koordinakundeak elkarretaratzea deitu du astelehen honetarako Abanto-Zierbenako Udaletxearen aurrean, 12:00etan, gaztearen hilketa gaitzesteko.