Gizartea

Palman ostiralean hasitako sutea gutiz itzaltzea lortu dute, 15:15ak aldera, Ibanat Balear Irletako Natura Institutuak jakitera emandakoaren arabera. Sutea Son Vida urbanizazioan hasi zen.

Suteak bi egun iraun ditu eta sei hegazkin, lurreko hiru talde eta Ibanateko bi tanketa jo eta ke ibili dira sugarrak itzaltzeko, Palmako suhiltzaileekin eta Udaltzaingoarekin batera.

Palmako sutea kontrolatzea lortu zuten larunbatean, 17:30ean, eta ordutik Balear Irletako Natura Institutuko bi brigada lanean izan dira sua guztiz itzali arte.

Eguraldiak sutea itzaltzea erraztu du, izan ere, teknikarien aurreikuspenen arabera, sua itzaltzeko beste bi egun behar izango lirateke.

Gomera, 'kontrolik gabe'

Paulino Rivero Kanarietako Gobernuko presidentea "oso kezkatuta" agertu da Gomerako sutearen egoera ikusita, sua "kontrolik gabe" baitago eta Garajonay Parke Nazionalera iritsi baita.