Gizartea

Jaurlaritzako drogomenpekotasun saileko zuzendariak, Celia Paredak, adingabeak eta alkohol kontsumoaren menpekotasun lege berri bat egiten ari direla esan du, legea gogortzeko asmoz eta adingabekoak dauden jai herrikoietatik alkoholaren presentzia baztertuz. Adibide modura, Pareda andereak, Ibilaldia edo Kilometroak bezelako jaiak aipatu ditu.

Celia Paredaren ustez, gogor ekin behar zaio adingabeen artean ematen den alkohol eta cannabis kontsumoari, eta hori lortu nahi dute lege berri honekin, kontsumo zero izatea, batik bat, eragin sozial handia duten jaietan.

Adibide modura, Ibilaldia eta Kilometroak bezelako festak jarri ditu, non adingabe asko biltzen den eta Paredaren ustez ez da arrazoizkoa egun horietan adingabeen arteko alkohol eta droga kontsumoa. Horregatik zabaldu nahi izan du eztabaida gai honen inguruan.

Radio Euskadiri emandako elkarrizketa batean, kaleko zurruta gutxitzen ari da adingabeen artean eta edateko ohiturak ere aldatzen ari dira.

Alkohola, gizartean ondorio larrienak sortzen dituen sustantzia dela aipatu du Celia Paredak, eta osasunari egiten dion kalteari buruz ere ohartarazi du. Horrekin batera, Euskadin dagoen cannabisaren kontsumoa oso kezkagarria dela adierazi du eta hori ere aztertuko dutela aipatu du.