Gizartea

Valentin Campos 55 urteko Caparrosoko (Nafarroa) auzokidea larunbat honetan hil da, txakurra putzu batera erori ostean, bertatik ateratzen saiatu denean. Guardia Zibilak jakitera eman duenez, gorpua larunbateko 17:15ean aurkitu dute, putzu baten barnean, ondoan eskopeta bat topatu ostean. Ezbeharra NA-121 errepidean jaso da, 12,3 kilometroan.

Iturri berdinek azaldu dutenez, gizonezkoa txakurrarekin etxetik irten zen goizeko lehen orduetan ehiza egiteko asmoz. 13:00ak aldera etxera itzultzen ez zela ikusita, senitartekoek kezka handia hartu zuten eta egon zitekeen lekuak miatzen hasi ziren. Gizonaren berri lortzen ez zutenez, Guardia Zibila abisatu zuten eta horrek bilaketa lanak abiatu zituen.

Handik gutxira, gizonezkoaren eskopeta aurkitu zuten eta ondoko putzuan, txakurraren hilotza. Bertan gizonezkoaren gorpua egon zitekeela uste zuen Guardia Zibilak. Ondorioz, suhiltzaileak etorri ziren eta auzokidearen gorpua erreskatatu zuten bertatik.