Mundua

Polizia bat tirokatuta hil dute bart Ipar Irlandako Craigavon herrian, Armagh konderrian, Benetako IRAk bi soldadu hil eta 48 ordura. Erakunde armatu hori IRAtik bereizi zen 1997an, eta bake-prozesuaren aurka dago.

Poliziaren iturriak aipatuta EFE agentziak informatu duenez, agentea jarduera susmagarri bat ikertzen zegoen gehiengo katolikoa duen bigarren hezkuntzako institutu batetik gertu.

Antza denez, beste polizia bat zauritu egin da erasoan.

"Badirudi IRAren atentatua izan dela berriro. Bagenekien balitekeela indarkeriak aurrera segitzea larunbatean bi soldadu hil eta gero, baina ez genuen horren goiz espero", esan du Basil McCrea Ulsterreko Alderdi Unionistako (UDP) eta Ipar Irlandako Poliziaren Kontseiluko kideak BBC telebistan.

Peter Robinson alderdi unionistako buru eta Ipar Irlandako Gobernu autonomikoaren lehen ministroa haserre agertu da. "Ez dugu onartuko ekintza hiltzaile honen arduradunek gure probintzia iraganera eramatea", gaineratu du.

Bere aldetik, Sinn Fein alderdiak agiri bat publikatu du eta poliziaren hilketa "bake-prozesuaren aurkako erasoa" izan dela salatu du. "Burua hotz izan behar dugu eta [1998ko] bake-akordioei eutsi egin behar diegu", nabarmendu du.

&' || 'nbsp;

Gordon Brown Britainia Handiko lehen ministroa Ipar Irlandan izan da astelehen honetan, eta bake-prozesua "apurtezina" dela nabarmendu du.

&' || 'nbsp;

&' || 'nbsp;