Mundua

Ipar Koreak helmen laburreko beste misil bat jaurti du bart (Euskal Herriko ordua) herrialdeko ekialdeko kostaldetik, iturri hegokorearrak aipatuta Yonhap agentziak jakinarazi duenez. Seigarren misila da bi egunetan.

Astelehenean, Piongiangek ariketa nuklear bat egin zuen, eta horrek gaitzespen adierazpen ugari eragin zituen nazioartean.

Aipatu iturriek zehaztu dute Hego Koreak eta AEBek proba nuklearra aztertzea galarazteko helburuz jaurti dituela Piongiangek misilak.

Horren ildotik, Ipar Koreak Seuli erantzun militarra ematea mehatxu egin du, eta bi herrialdeek 1953an, gerraren amaieran, sinatu zuten armistiziotik aldendu dela iragarri du, KCNA agentzia iparkorearraren arabera.

Hori izan da, hain zuzen ere, Piongiangen erregimenaren erantzuna hego Koreak suntsipen handiko armen trafikoaren aurka AEBek abiatutako ekimenarekin bat egin eta gero.

Izan ere, Piongiangek "gerra-deklaraziotzat" jo du erabaki hori, eta Koreako penintsula "gerra egoerara" itzuliko dela ohartarazi du. Gainera, edozein ekintza oldarkorraren aurrean erantzun militarra emango dutela mehatxu egin dute.&' || 'nbsp;