Mundua

Honduraseko Armadak Manuel Zelaya presidentea atxilotu eta Aireko Indarren base batera eraman du.

Presidentearen idazkari pribatuak adierazi duenez, "gertakaria nazioarteko komunitatean salatu dute" eta "demokrazia babesteko manifesta daitezen" deialdia egin diote Honduraseko herriari.

Zelaya bere etxean atxilotu dute kontsulta herrikoia hasi baino bi ordu lehenago. Justizia Gorte Gorenak eta Hauteskunde Auzitegi Nagusiak legez kanpokoa dela adierazi duten, helburua Konstituzioa aldatzea duen kontsulta.

Hedabideek jendea etxean gera dadin agintzen dute, identifikatu gabeko agintari baten mezu ofiziala jaso arte.

Herrialdea krisi larria bizitzen ari da Armadak presidenteari bizkarra ematerakoan kontsultarekin aurrera ez jarraitzeko.

Zelayak Armadaren Estatu Nagusiko burua kargutik kenduko zuela iragarri zuen, baina azkenean ez zuen aurrera egin.

Europar Batasunak Zelayaren atxiloketa gaitzetsi du eta orden konstituzionalaren ezarpena eskatu du.

&' || 'nbsp;

&' || 'nbsp;