Mundua

Jose Miguel Insulza AEEko idazkari nagusiak Hondurasen egindakobisitaren ostean, Michelettiren Gobernuak Zelayaren kanporaketa "itzuliezina" dela adierazi du.

Michelettiren Gobernuak Amerikako Estatuen Erakundearen (AEE) ituna salatu du "behi-behineko eraginkortasunarekin". Estatu-kolpearen egileek adierazi dutenez, "AEEk askatasuna eta burujabetza defendatzen duten herrialdeentzat, Hondurasentzat lekurik ez duela uste du".

Hondurasek AEEren arauak betetzeari utzi dio, eta bere Gobernuak AEE "justizia auzitegi bat ez dela" adierazi du.

Botere Judizialarekin, elizekin, presidentziarako hautagaiekin eta Honduraseko kolektibo sozialen ordezkariekin izandako bileren ostean, Insulzak, "estatu-kolpearen egileek egoera aldatzeko asmorik ez daukatela" adierazi du.

AEE Washingtonen bilduko da egoera aztertzeko eta erabakiak hartzeko.

Insulzaren ustez, Michelettiren Gobernua "Gutun Demokratikoaren bortzaketa eta orden Konstituzionalaren apurketa da, eta konpondu beharra dago".

Asteazkenean, AEEk 72 orduko epea eman zion Hondurasi Manuel Zelaya bere postuan berrezartzeko.