Mundua

Afganistango Hauteskunde Batzordeak bertan behera utzi du hauteskundeen bigarren itzulia eta Hamid Karzai irabazlea dela adierazi du.

Abdula Abdulak hauteskundeetako bigarren itzuliarekin jarraituko ez duela iragarri ostean hartu du erabakia Batzordeak. Abdulak adierazi zuenez, Hauteskunde Batzordea ez da iruzurra ekiditeko erakunde fidagarria.

Batzordearen buruzagiak Karzai garailea dela iragarri du, hauteskundeen lehenengo itzulian boto gehien lortu zituelako eta bigarrenean "hautagai bakarra" delako.

Afganistango hauteskundeen emaitza Ban Ki-moon NBEko idazkari nagusiaren ezusteko bisitarekin batera etorri da. Ban Ki-moon bi hautagaiekin bildu da.

Karzaik botoen % 49,67 lortu zuen hauteskundeen lehenengo itzulian, emaitzak berbegiratu eta milaka boto iruzurragatik baliogabetu ostean.