Mundua

Poliziak Orlandoko hirian (Florida) izan den tiroketaren susmagarria atxilotu du, datu ofizial berriek adierazi dutenaren arabera. Gertakarian gutxienez hildako bat eta bost zauritu izan dira.

Bi orduko bilaketa baten ostean, Jason Rodriguez bere amaren etxean atxilotu dute, Val Demmings Orlandoko Poliziaren buruak esan duenez.

Prentsaurreko batean, poliziaren bozeramaileak pertsona baten heriotza konfirmatu du eta beste bost zauritu direla jakinarazi du. Horien artean, gainera, bihotzeko arazoak dituen bat dago.

"Rodriguez 2007an bota zuten lanetik eta gaur Reynolds, Smith and Hillsen ofizinara tiroka itzuli da", zehaztu du Demmingsek.

Polizia agenteak Puerto Ricoko jatorria duen susmagarria galdekatzen ari dira "helburu zehatz bat zuen" jakiteko.

Gertakaria atzo militar estatubatuar batek Texas Estatuko Fort Hood base militarran tiroka hasi eta 13 pertsona hil eta hogeita hamar inguru zauritu eta egun bat beranduago izan da.