Barack Obama AEBetako presidentea Txinan da; Asiako biran bere hirugarren geldialdia da hau, eta bere bidaiaren arrakasta edo porrota baieztatuko du. Txinara egin duen lehenengo bisita shangain hasi du AEBEtako presidenteak.

Obamak ekonomiaz hitz egingo behar du agintariekin. Bihar egingo du bere lehen ekitaldi ofiziala gazteen galderei erantzunez.

"Estatu Batuak munduko herririk boteretsuena da eta Txina hasten ari den herri, beraz, bi herrien arteko harremanak ze norabide hartuko duten jakitea asko interesatzen zait", esan du Obamak.

Shangaira joan baino lehen, Obama Singapurren izan da Asia-pazifikoko herrialdeen gailurrean eta Birmaniako agintariak bertan zirela aprobetxatuz Aung San Suu Kyi oposizioko liderra eta Bakearen Nobel Saria askatzeko eskatu die.

Bertan izan da baita Dimitri Medveded Errusiako presidentea. Urte bukaera baino lehen armagabetze nuklearra lortzeko konpromisoa berretsi dute. Irani bere programa nuklearra baztertzeko diplomaziaren bidea agortzen ari dela ohartarazi dio Obamak.