Mundua

Europar Batasuneko agintariek ohi duten bezala, gauza bat ondo egin dute eta bestea, berriz, gaizki. Herrialde handi bateko ordezkari bat eta herrialde txikiago bateko beste bat hautatu behar zituzten, demokristau bat eta sozialdemokrata bat, gizonezko bat eta emakumezko bat. Hori guztia Europar Batasunaren barruko oreka konplexuengatik gertatu da. Orain galdera da hautatutakoak aukera guztien artean onenak ote diren?

Herman Van Rompuyren kasuan ez dago eragozpenik. Belgikatik kanpo inork ez du ezagutzen, baina integrazio europarraren defendatzaile amorratua da eta negoziatzeko gaitasuna erakutsi du Belgikan lehen ministro karguan egon denean. Zatitzeko puntuan dagoen herrialdea da eta Belgikan guztiek onartzen dute Van Rompuy egoera baretzeko gai izan dela.

Beraz, kargurako bila zebiltzan profila du, izan ere, bere zeregin nagusia Europar Batasuneko 27etako gobernuburu eta estatuburuen artean adostasuna lortzea izango baita.

Baina Catherine Ashton Atzerri Gaietako Goi Ordezkari izendatu izanak zalantza gehiago sortzen ditu. Britania Handian bigarren mailako politikaria da, eta nazioartean duen esperientzia Europar Batzordeari zor dio; Merkataritzako Komisario postuan jaso du urtea.

Bere balioa erakusteko aukera izango du, 130 enbaxadako sarea izango baitu eta 50.000 milioi euroko aurrekontua.