Mundua

Horretan pentsatuz, agertu ziren presidente iraunkorra eta bere menpe europar zerbitzu diplomatikoa izango duen goi arduradunaren karguak. Herman Van Rompuy eta Margaret Ashton pertsona egokiak al dira? Ehun eguneko konfiantza epea ematen zaie presidenteei ere.

Egia da, Europan esperientzia eskasa dutela batak zein besteak baina ikasteko gogorik falta ez bazaie, egingo dute....

Zergatik aukeratu dituzte? Paris, Berlin eta Londonek berriro erakutsi dute Europar Batasuneko jaun eta jabe direla. Eta hala jarraituko dute erabakia blokeatzeko gutxiengoa zuten ekialdeko herrialdeek ez dutelako holakorik egin.

"Europar Batasunak izendapen hauekin hondoa jo du", esan du Daniel Cohn Benditek, akuilu lana egiteaz arduratzen den eurodiputatu ekologistak.

Eta Belgikak? Duela urte bete arte gobernua osatu ezinda eman zituela herrialde honek hamaika hilabete. Azkenean ordura arteko parlamentu federaleko presidente zen Van Rompuyk lortu zuen baloi eta flamenkoen artean adostasuneko gobernua osatzea.

"Hau pelikula bat bezalakoa da, Belgika egonkortzea lortu duen pertsona bat ezagutu dute Europan eta eraman egiten dute", dio jaso berri dudan sms-ak.