Mundua

Hugo Chavez Venezuelako presidenteak adierazi duenez, bere Gobernua eta Espainiaren arteko harremana "berera etorri da" ETA eta FARCen arteko ustezko harremanaren autoaren inguruan Moratinosek "azalpenak baino, informazioa" eskatu zutela argitu ostean.

ETA eta FARCen arteko ustezko harremana dagoela esaten duen Eloy Velasco Auzitegi Nazionaleko epailearen autoaren inguruan Espainiako Gobernuak emandako azalpena"onargarria" da Chavezen ustez.

"Erantzuna onargarria izan da. Azalpenak baino, informazioa eskatu zutela esan dute", adierazi du Venezuelako presidenteak, Rodríguez Zapaterori ez diola ezer azaldu behar esan zuenetik bi egunetara.

"Gauzak berera etorri" direla esan du Chavezek eta hori Zapaterok eta Miguel Angel Moratinos Kanpo Arazoetako ministroak erakutsi duten "heldutasunari esker" gaineratu du.

Polemika amaitu da

Antza aliantza sortzeagatik Velasco epaileak ustezko sei ETAko kide eta ustezko zazpi FARCeko kide auziperatzean sortutako polemika amaitu da, Venezuelaren esanetan.

Egun horretan bertan, Venezuelako Gobernuak adierazpen horiek "iraingarriak" zirela esan zuen Chavezek.

Bi egun beranduago, Espainiako Gobernuari ez ziola ezer azaldu behar esan zuen Chavezek.