Miamiko Nazioarteko Aireportuan, atzerriko hegaldiak hartzen dituen terminaleko sei guneetako lau jendez hustu dituzte objektu susmagarri bat agertu ostean. Bonben kontrako polizia-taldea objektua ikertzen ari da, aireportuko bozeramaile batek, Greg Chinek, jakitera eman duenez.

Chinen arabera, Poliziaren talde berezia bertaratu behar izan da, ostegun iluntzean, Miamin 21:30 zirenean, objektu susmagarri bat aurkitu baitute. Aduanako E gunean omen dago, nazioarteko hegaldiak hartzen dituen terminalean.

Bozeramailearen hitzetan, terminal osoa itxi behar izan dute, bi gune izan ezik. 100-200 pertsona atera behar izan dituzte.