Mundua

Hamas eta Al Fatahk Mahmud Abbas Palestinako Aginte Nazionalaren presidentea izendatu dute Zisjordaniarako eta Gazako Eremurako Batasun Gobernuaren buru, Palestinako goi-kargudun batek jakitera eman duenez.

Abbasek Salam Fayyaden lekukoa hartuko du lehen ministro gisa, Hamasek eta Al Fatahk Qatarren egin duten bileran erabaki dutenez. Oraingoz ez dute jakinarazi Fayyadek Gobernuan jarraituko ote duen.

Gobernu berriaren egiteko nagusia hauteskundeak antolatzea eta Gaza berreraikitzea izango da.