Mundua

Wen Xiayu txinatarrak irabazi du aurtengo Miss Mundo lehiaketa famatua. Lehiaketak 62. edizioa egin du Ordos hirian, Txinako iparraldean.

Ikusleen txalo zaparrada jaso du Wenek, izan ere, lehiaketa irabazten duen bigarren emakumezko txinatarra da, 2007an Zhang Zilin modeloak irabazi zuen, Txinan bertan ere egindako ekitaldian.

23 urteko Wenek, Ivian Sarcos venezuelarraren lekua hartu du. Sarcosek 2011ko edizioa irabazi zuen. Aurten, hegoamerikako ordezkariek ez dute zorte handirik izan. Lehen hamabosten artean izan dira Mariana Berumen mexikarra, Aranzazu Estevez espaniarra eta Mariana Notarangelo brasildarra, besteak beste.

Adimen musikala

Irabazlea musika-ikaslea da eta hasieratik egon da faboritoen artean, batez ere abeslari lanetan agertutako adimenagatik. Soprano ahotsak mutu utzi zituen ikusleak.

Sophie Moulds galestarrak lortu bigarren tokia, "Miss Beach Fashin" saria irabazteaz gain, eta hirugarren lekua Jessica Kahawaty australiarrak lortu du.