Albisteak

Salgai da Bob Dylanen estudioko lan berria: Together through life. Lan hori iaz grabatu zuen, Oliver Dahan zuzendari frantsesaren La vie en rose filmerako osatu zuen "Life is hard" kantuaren grabazioaren aitzakian. Dylanek berak ekoitzi du lana, Jack Frost ezizena erabilita.

Musikari estatubatuarraren 46. diskoa izango da eta 2006an argitaratu zuen Modern Times lanaren lekukoa hartuko du. 10 kantu berri bildu ditu bertan artista estatubatuarrak.

Minnessotako musikariarekin batera (ahotsa, gitarra, teklatuak), disko berrian ondorengo musikariek hartu dute parte:Mike Campbell (gitarra), David Hidalgo(akordeoia, gitarra), Donnie Herron (steel gitarra, banjoa, mandolina,tronpeta), Toni Garnier (baxua) eta George G. Receli (bateria). Dylanek Robert Hunterrekin batera (kantari, hitz-egile, itzultzaile eta poeta) idatzi ditu diskoko kantuetako hitz guztiak "This Dream IsYou" abestikoak izan ezik, musikari mitikoak bakarrik idatzi baitzituen. Musika guztiak ere Dylanek berak sortu ditu "My Wife''s Home Town" kantukoa izan ezik, Willie Dixon bluesmanak ere hartu baitu parte bertan.

Hauxe da kantu-zerrenda:

1. "Beyond Here Lies Nothin''"
2. "Life is Hard"
3. "My Wife''s Home Town"
4. "If You Ever Go To Houston"
5. "Forgetful Heart"
6. "Jolene"
7. "This Dream of You"
8. "Shake Shake Mama"
9. "I Feel A Change Comin'' On"
10. "It''s All Good"