Albisteak

Amerikako Estatuen Erakundeak (AEE) Honduras erakundetik kanpo uztea erabaki du, bertako agintariek Manuel Zelaya presidentzian berriro ezartzeari uko egin baitiote. Zelaya herrialdetik kanporatu zuen Armadak iragan igandean.

AEEko 33 herrialde kideek baietza eman diote Hondurasen kanporaketari.

Manuel Zelaya Honduraseko presidente ohiak, herrialdera gaur itzultzeko asmoa iragarri du. "Bakea behar dutelako itzuliko naiz", adierazi du.

Zelayak, beste itzulera bat iragarri zuen iragan ostegunean, baina bertan behera utzi zuen bidaia AEEren lana ez oztopatzeko.

Milaka herritar Tegucigalpako aireportuan bildu diren bitartean, Zelayaren zain, Honduraseko Elizak itzulera bertan behera uzteko eskatu du.

"Presazko erabakia da, une honetan, itzulerak odol jarioa sortu dezake", adierazi du Hondurasko artzapezpikuak.

Ez da bakarra, Kanadak eta Costa Ricak ere itzultzeko ordua ez dela uste dute, bortizkeria ez areagotzeko herrialdean.

&' || 'nbsp;