Dagoeneko hasi dira urtero Amorebieta-Etxanon egiten den Mangamore manga eta japoniar kulturaren jaialdia prestatzen eta badirudi 2010ean izango dela berrikuntzaren bat edo beste. Izan ere, Udalak iragarri duenaren arabera, Facebook bidez hautatuko dute aurten jaialdia iragartzen duen kartela.

Horretarako lehiaketa bat prestatu dute eta parte hartzaileek martxoaren 18a baino lehen bidali beharko dituzte euren proposamenak, posta elektroniko bidez Amorebieta-Etxanoko Gazte Informazio Bulegora.

Irabazlea Facebooken egingo den bozketaren bidez aukeratuko da, martxoaren 18tik 30era bitartean.