Albisteak

Javier Elzo izango du solaskide aste honetan Luis Mendizabal kazetariak "Kalifornia" saioan. Soziologo beasaindarrak 30 urte baino gehiago daramatza euskal gizartea aztertzen. Oro har, bere ikerketen ardatzak bi dira: gazteak eta gizarteko balioen aldaketak. Bere esanetan, gizartea ziztu bizian ari da aldatzen Internet eta teknologia berriek bultzatuta. Eraldaketok, gainera, arlo guztietan ari dira gauzatzen, erlijioan eta politikan ere bai. Luze eta zabal mintzatuko da honetaz guztiaz, asteazken honetan, 22:25etik aurrera, ETB-3n.