Jendea

Errege etxea Ashley Madison hitzorduak antolatzen dituen agentzia auzitegietara eramatea pentsatzen ari da. Horrez gain, Sofia erregina biluzik eta gizon gazte baten ondoan agertzen den agentziaren iragarkia argitaratu duten hedabideen aurkako neurriak ere hartu ditzaketela adierazi dute. Kanpainaren leloak zera dio: "Ez zara ohean berriz bakarrik egongo".

Zarzuelako zerbitzu juridikoak "auzitegietara jotzeko aukera aztertzen ari dira", Vanitatis webguneak argitaratu duenez. Salaketak aurrera jarraituko balu, Ashley Madison agentziaz gain, El Jueves, El Economista, El Mundo, El Imparcial, Minuto Digital, Univisión eta Vanitatis bera ere kaltetuko lituzke.