Jendea

'Obama, Clooney & You'. Hori da Barack Obamaren hauteskunde kanpaina finantzatzeko martxan jarri duten egitasmo berriaren izena.

AEBetako presidentearekin eta George Clooneyrekin afaltzeko aukera eskaintzen duen zozketa berezia da. Hitzordua maiatzaren 10erako jarri dute, Clooneyren etxean, eta zozketan parte hartu nahi dutenek txartela erosi behar dute, 3 dolarrean (2,2 euro). Bi lagunek izango dute bertara joateko aukera.

Txartelekin lortzen duten dirua Obamaren hauteskunde kanpaina finantzatzeko erabiliko dute. Antolatzaileek azaldu dutenez, boto-emaile ''arruntak'' saritu nahi dituzte, Obamaren kanpainaren alde diru askorik emateko aukera ez dutenak baina egungo presidentearen alde daudenak.

Hollywoodeko aktoreen artean, jendaurrean Obamaren alde egin duenetako bat da George Clooney, eta behin baino gehiagotan egon izan da Etxe Zurian.