Jendea

Angelina Joliek Brad Pittekin ezkontzeko aukeratuko duen soinekoa ezteiaren egunera arte gordeko den sekretua izango da. Hala eta guztiz ere, zenbait diseinatzaile aktoreak egun horretarako aukeratuko duen jantziari buruz hitz egitera ausartu dira, People aldizkarian. Mark Badgleyren eta James Mischkaren aburuz, adibidez, vintage estiloko soinekoa jantziko du Angelinak ezkontzeko.

"Bitxiekin apaindutako gorputza eta tulezko gona duen soinekoa dotorea jantziko du", azaldu dute diseinatzaileek.

Monique Lhuillier estilo erromantikoko diseinatzaileak, berriz, Joliek aukeratuko duen soinekoa Chantillyzkoa izango dela uste du eta uve formako eskotea, bizkarra airean eta hankan irekiera izango ditu. "Angiek estiloa du. Klasikoa den jantzi bati sentsualitate handia ematen dio", azaldu du.

Reem Acra diseinatzaile libanoarraren ustez, Joliek neurrira egindako soineko estu bat jantziko du. Gainera, sorbaldean apaingarri deigarria izango duela uste duela esan du.