Jendea

Duela egun batzuk hasi ziren Gisele Bündchen haurdun zegoela esaten zuten zurrumurruak. Orain, AEBetako aldizkari irakurrienetako batek albistea berretsi du. Bitartean, Gisele Bündchenek arropa zabala janzten jarraitzen du.

USWeekly aldizkariak modeloaren gertuko iturri batzuekin hitz egin omen du: "Bai, hiru hileko dago. Gisele oso pozik dago".

Hala ere, duela hiru urte Benjamin semea izan zuenetik, Giselek behin baino gehiagotan esan du berriz ere ama izan nahi zuela. "Seme-alaba gehiago izan nahi ditugu, baina ez dakigu noiz", adierazi zuen modeloak Vogue aldizkarian.

Dirudienez, gutxi falta da Gisele Bündchenek eta Tom Brady senarrak bigarren umea izango dutela jakinarazteko.