Jendea

Gijoneko Polizia Nazionalaren komisariara eraman dute ‘Gran Hermano’n parte hartzeagatik ordaindu zuen gazte bilbotarra, iazko otsailean Sporting bingoan egon zen lapurretari buruz galdekatzeko.

Gaztea atzo atxilotu zuten Bilbon, Kantabrian eta Asturiasen lan egiten zuen lapurren talde batekoa izatea leporatuta.

Gijongo Portugal kalean dagoen Sporting bingoko lapurreta hiru gizonek egin zuten (bik burua estalita zeramaten). Langileak lotu eta ahoa estali ondoren, dirua lapurtu zuten. Gertakari horrekin harremanik duen jakiteko galdekatuko dute bizkaitarra.

Gazte honek 69.100 euro ordaindu zituen urtarrilean programa horretara sartzeko, eta diru hori Gurutze Gorriari eman zitzaion. Astebete eman zuen Guadalixeko etxean (Madril), beste parte-hartzaileek kalera botatzeko aukera izan zutenean bota egin baitzuten.