Politika

PSE-EEk abian jarri du gaur Eusko Legebiltzarra osatzeko prozesua. PSE-EEko 25 legebiltzarkide hautetsietatik 24 gaur akreditatu dira Eusko Legebiltzarreko Erregistroan. Jesus Eguiguren PSEko ordezkaria geratu da soilik tramitea egin gabe bidai batean zegoelako, Europa Press albiste-agentziak jakitera eman duenez.

Legebiltzar berria eratzeko osoko bilkura apirilaren 3an egitea litzateke, Eusko Legebiltzarreko Mahaiak jakitera eman duenez.

Ordezkari sozialistak 16:30 aldera heldu dira Gasteizko Ganberara, Patxi Lopez PSE-EEko idazkari nagusia buru zutela.

Eusko Legebiltzarra osatzeko prozesua hastea ahalbidetuko du 25 hautetsien akreditazioak eta Jesus Eguigurenen faltarekin, bihartik aurrera hasiko da Gasteizko Ganbera osatzen, PPko 13 ordezkariek eta Gorka Maneiro UPyDko hautetsi bakarrak euren akreditazioak jasotzen dituztenean.

Heren bat

Horrela, Legebiltzarra osatzeko prozesua bihar hasiko da, 10:00etan UPyDko legebiltzarkide bakarra akreditatzen denean. Izan ere, Ganberako kideen heren bat akreditatzea beharrezkoa da prozesua hasteko. Geroago, 12:30 aldera Alderdi Popularreko ordezkarien txanda izango da.

Momentu horretan, Diputazio Iraunkorreko presidenteak 15 egunen buruan osoko bilkura egiteko dekretua emango du.