Politika

Espainiako bandera Bizkaiko Batzar Etxean, Gernikan, jarri dute jadanik, horrela Auzitegi Gorenak emandako epaia bete da. Eraikuntza publikoetan Espainiako bandera jartzeko agindua eman zuen Gorenak.

Batzar Nagusietako iturriek jakitera eman dutenez, Espainiako bandera iragan igandean jarri zuten Batzar Etxearen sarreran, ikurriñaren eta Europako eta Bizkaiko banderen aldamenean.

Apirilaren 20an, Espainiako bandera ikurriñaren ondoan jarri zuten Bilboko Batzar Etxean eta otsailaren 5ean ikurriña eta Espainiako eta Europako banderak Eusko Legebiltzarreko kanpoaldean ezarri zituzten aurrenekoz.

Bilboko udaletxean eta Arkauteko (Araba) Ertzaintzaren Ikastegian jarri dute baita ere.