Politika

Eusko Jaurlaritzak itxi egin du atzo Patxi Lopez lehendakariak herritarren parte hartzea bultzatzeko asmoz aurkeztu zuen webgunea (www.gobiernodecambioeneuskadi.org).

Atzo Lopezen kabineteak lehen Gobernu Kontseilua egin ondoren, lehendakariak 2.0 Saila (Internet bidezko parte hartzea sustatzeko) eta www.gobiernodecambioeneuskadi.org webgunea sortzeko asmoa iragarri zuen, bere Gobernuaren politikak herritarrei zabaltzeko tresna gisa.

Gaur, EAJk webgune hori "erabat legez kanpo" sortu dela salatu du; izan ere, webgune horren atzean dagoen enpresak Kaiman uharteetan du egoitza, eta euskarri informatikoa Danimarkako enpresa batek ematen dio.

Salaketa jarri eta ordu gutxitara, Eusko Jaurlaritzak itxi egin du webgunea. Dagoeneko ez dago ikusgai.