Politika

ETAk Eduardo Puelles Garcia polizia nazionala hil duen atentatuaren lekuko batek azaldu du biktimak laguntza eskatu zuela eztandaren ostean, baina ezin izan zutela ezer egin autoa sutan zegoelako.

Hedabideei zehaztu dienez, bera, bere bikotekidea eta biktima ziren une horretan atentatua izan den aparkalekuan zeuden bakarrak.

Bere esanetan, biktima auto barruan zegoen eta motorra piztuta zeukan eztanda jazo denean.

Ondorioz, auto osoak su hartu du, eta ezin izan dira hurbildu.

Eduardo Puelles 49 urtekoa zen, ezkonduta zegoen eta bi seme-alaba zituen.