Politika

Garañako zentralaren jarraipenean edo itxieran, batez ere, segurtasunari emango zaiola lehentasuna esan du Jose Luis Rodriguez Zapatero Espainiako presidenteak. Ildo horretan, argi utzi du segurtasuna oinarri hartuta erabakiko duela Garoñari dagokionez, zer egin, eta inola ere, interes ekonomizista batetik.

"4 edo 5 urteko luzapena" eskatzen duen Duran y Lleida CiUko bozeramaileri erantzun dio Zapaterok. Datorren ostiraleko Ministroen Kontseiluan edo hurrengoan erabakiko da arazoa.

Zapaterok esan duenez, "energia nuklearra erabiliko dugu beharrezko heinean" eta "hondakinen arazoa kontutan hartuta".&' || 'nbsp;

Miguel Sebastian Industria ministroaren arabera, Garoñako zentralaren etorkizunari buruz Gobernuak hartzen duen erabakia alde batera utzita, gaur egun, Espainiako elektrizitate-hornidura bermatzeko "ordezkaezina" da energia nuklearra.

CSN

Bestalde, Segurtasun Nuklearrerako Kontseiluak (CSN) baldintza berriak ezarri ditu, Gobernu zentralak Santa Maria de Garoñako (Burgos) zentralaren baimena luzatzea erabakitzen baldin badu. Nahiz eta bi, lau edo sei urterako luzapena izan bete beharko ditu zentralak baldintza horiek. Aurretik hamar urteko luzapena eskatu zion zentraleko jabeak CSNri eta honek baiezkoa eman zion 15 baldintza beteta.