Politika

Rodolfo Ares Herrizaingo sailburuak kritikatu egin du bi "kaputxadun" ertzain Antena 3ko programa batean agertu izana. Agenteek telebistan azaldu zutenez, ETAri eta bere inguruari aurre ez egiteko agindua jaso zuten Ibarretxeren Gobernutik.

Eusko Legebiltzarreko kontrol saioan, EAJk bi "ustezko ertzain" horien izenak jakinarazteko eskatu dio Aresi. Elkarrizketatuak Ertzaintzako benetako kideak ote diren ere argitzeko exijitu diote Herrizaingo sailburuari.

Erantzuna eman duenean, Aresek azaldu du Jose Antonio Varela Ertzaintzako zuzendariak barne ikerketa abiarazi duela elkarrizketa eta bertan esandakoak argitzeko. Sailburu sozialistak ikerketaren ondorioak publiko egiteko konpromisoa hartu du.