Politika

Giza Eskubideen Europako Auzitegia helegite prozesu luzearen azken geltokia da Batasunarentzat Auzitegi Gorenak legez kanpo utzi zuenetik 2003ko martxoan.

Estrasburgok arrazoia eman zion atzo Espainiari, eta berretsi egin zuen alderdi abertzalearen ilegalizazioa, baina Batasunak helegitea aurkez dezake oraindik auzitegi horretan bertan.

Oraingoz Batasunaren lehentasuna epaiaren argudioak aztertzea da, baina Arnaldo Otegik prentsaurrekoa eskainiko du gaur eta baliteke haien asmoen berri ematea.

Helegitea aurkeztu nahi badute, hiru hilabeteko epea izango dute egiteko.

Lehenik eta behin bost epailek erabakiko lukete helegitea izapidetu edo ez. Baiezkoa emango balute, auzia Estrasburgoko Ganbera Nagusira pasatuko litzateke. Hori izango zen, hain zuzen ere, Batasunaren azken itxaropena atzoko epaiaren ostean.