Politika

Frantzian iragan asteartean atxilotutako bi ustezko ETAko kideek "prestatzen ari zen" talde bat osatzen zuten, Alfredo Perez Rubalcaba Barne ministroak jakitera eman duenez. Hala ere, bi atxilotuei atzemandako dokumentazioa aztertu beharko dutela zehaztu du.

"Oso triste" sentiarazten du pertsona hain gazteak ETAn ikustea, Perez Rubalcabak azaldu duenez, izan ere, Ibai Mateok 22 urte ditu eta Oihana Mardarasek 20.

ETAko kide berrien esperientzia faltak Estatuko Segurtasun Indarren lana errazten du, Barne ministroak azaldu duenez.

"Antolamendu aldetik bandak duenari eutsi behar dio eta esperientziarik gabeko jendeaz baliatzen da arriskuak hartuz, eta horrek segurtasun indarren lana errazten du", esan du Rubalcabak.