Politika

Ertzaintzak zortzi pertsona atxilotu ditu gaur goizaldean Lekeition (Bizkaia) jazo diren istilu larri batzuetan, Eusko Jaurlaritzako Herrizaingo Sailak informatu duenez.

Zazpi pertsona zauritu egin dira, tartean buruan kolpea jaso duen ertzain bat eta agenteen pilotakadak jaso dituzten beste sei lagun.

Aipatu iturrien arabera, istiluak 00:30an hasi dira, hainbat pertsona herriko komisariara bertaratu eta barruan zeuden ertzainak iraintzen hasi direnean. Hori horrela, agenteak haien aurka oldartu dira, eta beste hainbat pertsonak manifestariekin bat egin dute.

Ondoren, herriko erdiguneko zenbait edukiontziri su eman diete eta kalteak egin dituzte hainbat banketxetan eta aseguru-etxetan, eta batzuk Batzokiari su ematen saiatu dira. Dena dela, suhiltzaileak azkar heldu dira eta kalteak handiak izatea galarazi dute.