Politika

ETAko kideen argazkiak edo ikurrak erakusten dituzten txosnak itxiko dituztela esan du Basauriko Udalak. Loly De Juan alkatearen erabakiaren arabera, txosnetan ETAko kideen argazkiak jarriko ez dituztela idatziz onartzen dituztenak baino ez dituzte ontzat emango.

Erabaki hori betetzen ez dutenek isun ekonomikoei, lizentziaren baliogabetzeari eta epaiketei aurre egin beharko diete, El Correo egunkariak jakinarazi duenez.

Eusko Jaurlaritzaren "jaietan tolerantzia zero terrorismoarekin" asmoari jarraitzen dio Basauriko Udalak.

Basauri lizentziak ematerako orduan ETAko ikurrei aipamen zehatza egiten dien lehen Udala da. Orain arte, ordutegiei, zaratei eta elikagaien arauei baino ez zien jaramon egiten.

Loly de Juan

Aste honetan bertan bukatu du testua Udaleko zuzenbide-sailak. Lekeitioko istiluen ostean atera da erabakia.

Loly de Juan alkateak Lekeition gertatutakoak Basaurin ez errepikatzeko deia egin du.