Politika

Eusko jaurlaritzak ehun gonbidapen zozketatuko ditu Gernikako Estatutuaren 30. urteurrena ospatu nahi dutenen artean. Datorren urriaren 25ean izango da ospakizuna Ajuria Enean.

Idoia Mendia Gobernuko bozeramaileak jakinarazi duenez, datorren urriaren 25ean "orain arte garatutako Estatutuaren garrantzia azpimarratuko" dute, eta "oraindik bete gabe dagoena" eskatuko dute.

Hiritarrekin, erakundeetako ordezkariekin eta alderdi politikoekin ospatuko du lehendakariak egun hori.

Ospakizunera etorri nahi dutenek 902540425 telefonora deitu beharko dute edo www.euskadi.net Eusko Jaurlaritzaren web gunearen bitartez egin ahal izango dute.

Horrez gain, beste hainbat ospakizun egingo dituzte hiru hiriburuetan, baina Mendiak ez du zehaztu zer egingo duten.

Irailean Eusko Jaurlaritzak jakinarazi zuen urriaren 25a jai eguna izateko lan egiten ari dela; egun horretan, Gernikako Estatutuaren erreferendumaren onarpena ospatzen da.