Politika

Eloy Velasco Auzitegi Nazionaleko epaileak Arnaldo Otegi Batasunako bozeramaile ohiaren aurkako ahozko epaiketa abiarazi du, 2004ko azaroaren 14ean Anoetako belodromoan ospatutako ekitaldian terrorismoa goraipatu zuelakoan.

Magistratuak erabakia hartu du Fiskaltza eta Ermuako Foroak Otegi, Joseba Permach eta Joseba Alvarezen aurka egindako eskaerak aintzat hartu ostean.

Fiskaltzak terrorismo goraipatzea leporatu die eta haientzat 18 hileko espetxealdia eta 20 hilabeteko gaitasungabetzea eskatu du. Ermuako Foroak, ordea, bost urteko karztela-zigorra eta 20 urteko gaitasungabetze epea eskatu du goraipamen, desobedientzia, legez kanpoko bilketa eta kautelazko neurriak ez betetzea leporatuta.