Politika

Diputatuen Kongresuak onartu egin du Kontzertu Ekonomikoa "blindatzeko" tramitazioa PPk lege proposamenaren aurkako bozka eman duen arren. PPk hartu duen erabakiaren ondorioz, Euskadiko PPko hiru diputatuak ez dira saioan egon bozketaren unean.

Eusko Legebiltzarraren proposamena, Aldundietako zerga araudiari segurtasuna emango dionak alegia, aldeko 187 bozka eta kontrako 134 bozkarekin (PP eta UpyD) onartu dute. Mariano Rajoy PPko burua ez da bozketan egon.

Emaitza honekin, erraztu egiten da Estatuko Aurrekontu Orokorrak onartzeko bidea, izan ere, sozialistek ekimen honi babesa ematea EAJk 2010. urteko aurrekontuak babesteko ezinbesteko baldintza zen.

Eztabaidaren nondik norakoak

EAEko Kontzertu Ekonomikoa blindatzeko Eusko Legebiltzarrak adostutako proposamena eztabaidatzeko saioa 16:00etan hasi da Diputatuen Kongresuan.

Saioaren hasieratik ez-jakintasuna nagusitu da, izan ere, Arturo Garcia Tizonek (PP) bozketaren aurretik egin duen eztabaidan argi utzi du ez zutela lege-proposamenaren aldeko bozkarik emango, nahiz eta ez duen argitu aurkako bozka emango zuten ala abstenitu egingo ziren. Azkenean, PPk Legebiltzarraren proposamenaren aurkako bozka eman du.

PSOEk hasieratik iragarri du lege-proposamena babestuko zuela

Zergen eta finantza sistemaren "blindatzea"ren proposamena bozketa arratsaldeko azken orduan izan den arren, Jose Maria Benegas sozialisten bozeramaileak hasieratik iragarri du eusko Legebiltzarraren proposamena babestuko zutela baina "ez beharrizanez, koherentzia arrazoi batengatik baino", izan ere, bere taldea ados dago gai honen sakoneko arrazoiekin.

Gauzak horrela, Benegasek baztertu egin du PPk aldeko bozka ez emateko erabili duen argudio nagusia, Estatuko Aurrekontu Orokorrak onartzeko ezinbesteko baldintza dela, alegia.

PPk lege-proposamenaren alde bozkatuko ez zutela aurreratu du baina argi hitz egin gabe

Garcia Tizonek (PP) bozketa baino lehenago aurreratu du PPk ez zuelakontzertu ekonomikoaren blindatzea babestuko aurrekontuak onartzekobaldintza gisa jarri izanak "ezinezko" egiten baitu bere alderdiakaldeko bozka ematea.

Hala ere, Tizonek Madrileko Ganberan egin dituen agerraldi bietan ez du argi utzi eusko legebiltzarraren proposamenaren aurkako bozka emango duten edota abstenitu egingo diren.

Horren harira, Tizonek PSOEri leporatu dio "oso ahula" izan dela "hain garrantzitsua den gai batetan EAJren babesa soilik kontutan hartzeagatik eta PPrekin akordioa ezineko egiteagatik".

Euskal ordezkariek Kontzertu Ekonomikoaren blindatzearen defentsa sutsua egin dute

Saioa; EAJ, PP eta PSEko euskal diputatuek Kontzertu Ekonomikoaren alde egin duten defentsa sutsuarekin hasi da.

Eusko Legebiltzarrak proposatzen duen testuak Euskadiko Foru Aldundien arauei lege izaera ematea da eta helburua, aipatu arauen aurka Auzitegi Konstituzionalean baino ez egin ahal izatea, alboko autonomia erkidegoek eta partikularrek helegiteak aurkeztea saihesteko.

Ricardo Gatzagaetxebarriak (EAJ) azpimarratu du proposamena "landutakoa, bateratua, serioa, zintzoa eta kalitate juridiko-tekniko handikoa" dela.

Miren Gallastegik (PSOE) ,berriz, argi utzi nahi izan du bai eusko Legebiltzarrean akordioa sinatzeko data (ekainaren12a) baita akordioak jaso zuen babesak, argi eta garbi uzten duela erabakiak ez direla aurrekontuen babesen arabera hartu.

Anton Danboreneak (PP) esan du ekimena defendatu duela bere ustez, euskaldunek gainontzeko espainiarrek duten segurtasun juridiko bera izan behar dutelako eta erantsi du Euskadik "pribilegioak" diotenek ez dutela "ez hanka, ez buru".

Horren harira, adibidetzat jarri du Euskadin Espainiako PFEZ (pertsona fisikoen errentaren gaineko zerga) altuena ordaintzen dela eta Gipuzkoa dela Ondarearen gaineko Zerga mantentzen duen lurralde bakarra.

Gauzak horrela, Euskadiko PPk esan du ez duela "partekatzen" bere alderdiak Diputatuen Kongresuan eusko Legebiltzarrak Kontzertu ekonomikoa blindatzeko aurkeztu duen lege proposamena ez babestea.

Ondorioz, Kongresuan dauden hiru euskal diputatuak&' || 'nbsp; ez dira bozketan egon, alderdiak azkenean hartu duen erabakiarekin ados ez daudela adierazteko.