Politika

Eusko Jaurlaritzaren kanpo harremanetan irizpide sozialak edo ekonomikoak gailenduko dira "nortasun gurari edo asmo antzuen gainetik", adierazi du gaur Patxi Lopez lehendakariak. Era berean, EAEko garapenari laguntzeko "Europar Batasuneko parte-hartze handiago bat" eskatu du lehendakariak.

Leioako (Bizkaia) Artaza Jauregian egin ditu adierazpen horiek Lopezek, EBk Espainian dituen 14 enbaxadoreen ordezkaritzaren aurrean. Enbaxadoreak gaur eta bihar EAE bisitatzen ari dira.

"Eusko Jaurlaritzak kanpo harreman egokiago batzuk bultzatuko ditu", azpimarratu du agintariak. "Irizpide sozialak, ekonomikoak, turistikoak eta kulturalak" gailenduko dira Exekutiboaren ekintzan, Lopezen hitzetan, "nortasun gurari edo asmo antzuen gainetik".

Espainiako Gobernuarekin eta Europarekin akordioetara heltzeko borondatea azaldu lehendakariak, "gatazka bilatzeko obsesioarekin bukatu nahi dugulako". Helburua Euskadiren garapenari laguntzeko EBko erakundeekin "zubiak ezartzea" delako, erantsi du.