Politika

EAEko Justizia Auzitegi Gorenak ukatu egin du Arrigorriagako Udalak Argalaren (Batallon Vasco Español eskuin muturreko taldeak 1978an hildako ETAkidea) omenezko plazatik haren oroitarriak kentzeko autoaren kontra jarritako helegitea.

Irailaren 30eko ebazpena gaur zabaldu du Dignidad y Justiciak, eta horren arabera, aipatu plakak kentzeko ezarritako behin behineko neurria justifikatuta dago, izan ere, terrorismoaren biktimentzat "iraingarriak" ziren.

Aurtengo urtarrilaren 27an, Bilboko Epaitegiak, Dignidad y Justiciak egindako eskakizuna jarraituta, Argalaren plakak kentzeko behin behineko neurria ezarri zion Udalari.

Arrigorriagako Udalak behin behineko neurria bete zuen eta plakak kendu zituen, baina helegitea jarri zuen, baina Auzitegiak errefusatu egin du eta berretsi egin du behin behineko neurria.