Politika

Gaur 11 hilabete dira ETAk Inaxio Uria enpresaburua hil zuenetik, eta haren sendiak elkarretaratzea egin du berriro Azpeitian.

Ekitaldiaren partaideak isilean egon dira 15 minutuz, eta ondoren txaloka hautsi dute isilunea.

Bertan Mikel Cabieces Espainiako Gobernuak Euskadin duen ordezkaria izan da, senideei elkartasuna adierazteko.

Uria, 71 urtekoa, iazko abenduaren 3an hil zuen ETAk, Azpeitiko Kiruri jatetxera zihoazenean. Enpresaburua egunero joaten zen hara, lagunekin kartetan jokatzeko.

Iñaki Azkuna

Bestalde, Iñaki Azkuna Bilboko alkateak Forum Europa-Tribuna Euskadiko mahai-inguruan adierazi duenez, "ETA den minbiziarekin bukatu beharra" dago eta espainiar eta euskal sentsibilitateen arteko Estatu mailako ituna lortu behar da.

Bilboko alkateak, gainera, nazionalista demokratikoak berriz elkartzeko eskatu du eta Batasuna bidelagun bezala izateko tentalditik ihes egiteko gomendioa egin du.