Albisteak

Politika

Informa nazazu RSS

Politika

Batasunako kidea

Aurore Martin bizitza publikora itzuliko da

Erredakzioa

2011/06/04

Lehenago edo beranduago espainiaratu egingo dutela onartuta du militante abertzaleak Le Journal du Pays Basque egunkarian egindako elkarrizketan.

Iruzkinak

Sei hilabete ezkutaturik eman eta gero, Aurore Martin Batasunako kideak bizitza publikora itzuliko dela iragarri du Le Journal du Pays Basque egunkarian.

Lehenago edo beranduago espainiaratu egingo dutela onartuta du militante abertzaleak, "Auzitegi Nazionalera eraman eta espetxera bidaliko naute".

France3 telebistak elkarrizketatu zuen dagoeneko Batasunako Iparraldeko buruzagia. Elkarrizketan, ETAko kidea izatea ukatu zuen Martinek eta "noizbait" Espainiako Justiziaren aurrean aurkeztuko zela ziurtatu zuen.

Gainera, ihes eginda ez zegoela azaldu zuen, "gordetzea" erabaki zuen "lan politikoarekin" aurrera jarraitzeko.

Agerraldi publikoa

Elkarrizketa hartan, noizbait agerraldi publikoa egingo zuela iragarri zuen.

Bere gordelekuan, Jose Luis Rodriguez Zapateroren Gobernuari "ezker abertzalearen legezko alderdi publiko berri bat" onartzea eskatu zion Martinek.

Batasunako kidearen aurkako atxiloketa agindua igorri zuen Paueko Fiskaltzak. Martinek nazionalitate frantziarra du eta espainiaratu nahi duten Frantziako aurreneko herritarra da.

Iruzkinak

Publizitatea
Eskozia Eskozia Erreferenduma: atari berezia

Azken orduko albisteak

NAHIERAN NAHIERAN Ikusi berriro ETBko albistegiak
Publizitatea
Publizitatea

Ikusiena