Politika

Euskal alderdiek euren esku dauden tresna guztiak erabiliko dituzte martxoaren 1a baino lehen hautesleengana iristeko. Hitzaldi, esku-orri informatibo eta kartelez gain, alderdiek garrantzia handia eman diote merchandising-ari.

Alderdietako kanpaina arduradunek euren alderdiak herritarrei helarazi nahi dien mezua ondoen islatuko dituzten produktuak aurkitzen saiatu dira, baina badira ohiko opariak egingo dituztenak ere.

EAJk; pizgailuak, intsigniak, puxikak, gozokiak eta boligrafoak prestatu ditu ostiralean hasiko den kanpainan banatzeko. Horrez gain, azken unerako utziko dituzten beste hainbat opari ere badituzte.

Sozialistek, berriz, ohiko arrosak banatuko dituzte 100.000 etxebizitzetan eta hautagai sozialistek hiru lurraldeetan egingo dituzten ekitaldi publikoetan.

Gainera, 15.000 pospolo-kaxa banatuko dituzte landare mota ezberdinak hazteko, 15.000 koloreetako margo-kutxa, 80.000 arkatz, 25.000 intsignia eta 150.000 gozoki.

PPk ere oparien kanpainari eutsiko dio aurrekontuan iaz baino 4.000 euro gutxiago izango dituen arren. Aurten; boligrafoak, pizgailuak, puxikak eta gozokiak (azukrearekin eta azukrerik gabe) banatuko dituzte. Gainera, karta-sortak eta baloiak ere banatuko dituzte.

Gainera, PPk eta PSOEk denda birtualak dituzte, besteak beste, MP3a duten eguzkitako betaurrekoak, emakumezkoentzako zapiak, padelerako palak, poloak eta gorbatak Antonio Basagoitik nagusitzen duen alderdiaren kasuan, eta atrilak eta ohiko hitzaldietan erabiltzen dituzten hornigarriak Lopezen alderdiaren kasuan.

Ezker Batuak ''''pen driveak'''' banatuko ditu euren programa azaltzeko erabili behar den paper mordoa aurrezteko. ''''Ezkerrekoa izatearen urguilua'''' lelopean, gozokiak, boligrafoak, pizgailuak, agendak eta kamisetak ere banatuko dituzte.

Eusko Alkartasunak ohiko produktuak baztertzea erabaki du, bere ustez ez direlako eraginkorrak, eta krisialdiaren aurrean ''''superbizitzeko kita'''' aurkeztu dute.

Euren leloa ''''Euskal Herria eraikitzeko beste modu bat dago'''' da, eta horretarako, kasko horiak, ''''krisiaren aurkako'''' 7.500 zira eta pegatinak banatuko dituzte.

Aralarrek ere ekin dio merchandising kanpainari eta horretarako, boligrafoak eta gozokiak banatuko dituzte. Gainera, euren Interneteko ataritik kanpainako abestia deskargatzeko gonbitea egingo dute.

Rosa Diezek nagusitzen duen UpyD alderdiak ''''arreta piztu'''' nahi du jendeak alderdi berri hau ezagutu dezan. Horretarako, euritakoak, fularrak, karpetak, pen-driveak, boligrafoak, motxilak, telefono mugikorretarako estalkiak eta gaileta gozoak banatuko dituzte.