Politika

Eusko Legebiltzarra osatzeko hauteskundeetan botoak postaz emateko aukera zabalik izango dute Correoseko bulegoek otsailaren 26ra arte, Hauteskunde Batzorde Zentralaren akordio baten arabera. Hauteskundeak martxoaren 1ean izango dira.

Horrela, EAEko hauteskundeetan bozka postaz bidaltzeko epea luzatu dute, izan ere, hasiera batean otsailaren 25 amaitzen zen, Europa Press albiste-agentziak jakitera eman duenez.

Honenbestez, postaz bozkatzeko dokumentazioa eskatu duten herritarrek 24 ordu gehiago izango dituzte bulegoetan botoa emateko. Correosek doan bidaliko du gutuna. Boto-txartelak bulegoen ohiko ordutegian eman beharko dituzte herritarrek.