Politika

Juan Karlos Izagirre Donostiako alkateak azaldu du Udaleko batzordeak Antonio Basagoiti PPko presidentea auzitara eramatea erabaki duela Alkatetzaren kontrako “kalumniengatik”.

Donostian emandako prentsaurreko batean, Basagoitik aste honetan egindako adierazpen “larriak” salatu ditu Izagirrek. Hark Josetxo Ibazeta Donostiako alkatetzako idazkari ohiari Bilduren alde egiteko enpresariei mehatxatzea leporatu zion.

Donostiako alkateak azaldu duenez, ez daude “era horretako kalumniak jasateko”, Horregatik Udalbatzarrak akzio legalei ekitea erabaki du.

Zentzu horretan, Udaleko departamentu juridikoa “ustezko kalumnia” horiek ikertzen ari da epaitegietan salaketa jartzeko.