Politika

Uxue Barkos lehendabiziko aldiz buruko zapirik gabe ikusi ahal izan dugu. Bularreko minbizia gainditzeko duen kemena eta ausardia erakusten duten keinu adierazgarria izan da publikoki buruko zapirik gabe agertu izana.

El Pais egunkariari eskainitako elkarrizketa batean, Gero Baiko diputatuak azaldu du bere semeak hala eskatuta ez duela gaur arte buruko zapia kendu.

“Beroa dela eta, ezin nuen gehiago. Eta, egia esan, zapirik gabe ateratzeko moduan nagoela iruditzen zait, ezta? Bederatzi urteko semeari agindu nion ez nintzela kalera burusoil aterako. Etxean zapirik gabe eta ilerik gabe ikusten ninduen, baina kalera horrela ez ateratzeko eskatu zidan”, azaldu du.

Alabaina, duela egun batzuk ondokoa galdetu zion: “Zer iruditzen zaizu amatxo horrela ateratzen bada?” Eta semeak oniritzia eman zionez, buruko zapia, normaltasun osoz, albo batean utzi du Uxue Barkosek.